انا شهد صيام، طالبة بصف المعلمة الرائعة مايا. مايا معلمة مميزة جدا، المعلمة الصح اللي مل حدا فينا بدور عليها. بتعطي المعلومات بشكل رائع ما بننسى، عندها اسلوب ممتاز بإعطاء الدرس، عطاء عالي جدا ومن كل قلبها. بتهتم انه الطالب يركز معها، بتسأل عن الدرس، الطالب السرحان بتمزح معه وبتغير جو. بتدمج كل الطلاب بالحصة — اللي بعرف عبري واللي ما بعرف. بتعطي فرص للجميع مهما كان مستواهم وبتكون مصرة يتعلموا ويصيروا يكتبوا ويقرأوا ويحكوا ويفهموا عبري. قبل درست مع معلمين كتير، بس ما كانوا يهتموا بالطالب اذا فاهم أو لا. مايا بالعكس — كانت تعيد عشر مرات، كل مرة بطريقة مختلفة، لحتى نفهم كل كلمة. عن جد ازا بدك معلمة مخلصة، يهودية بتعرف العبرية والعربية بشكل ممتاز — هي مايا. اذا بدك تتعلم عبري صح، لا تتردد وسجل معها. انا بعتبر نفسي محظوظة جدا لاني درست مع مايا.

انا تعلمت مع مايا أربع مستويات عبري من الألف إلى الدال، وبعدها توجهت للتعليم في كلية هداسا بشارع يافا. قدمت امتحان ياعيل وأخذت إعفاء بالعبري، وكان مستواي منيح كتير بالكلية الحمد لله. مايا ما قصرت معي بشي — علمتني الكتابة، القراءة، المحادثة، اشتغلت معي على كل شي وتابعتني بكل التفاصيل.

انا تعلمت مع مايا ثلاث مستويات، وبفضلها صرت اليوم بحكي عبري كثير منيح. مايا عندها أسلوب مميز وواضح، بتشرح بطريقة سهلة وبتساعد أي طالب يحتاج مساعدة، وبتحرص دايماً انه الكل يفهم. حصصها ممتعة ومليانة طاقة إيجابية، بتستخدم طرق متنوعة مثل الأغاني والمشاهد من الإنترنت. الطاقة تبعها بتخليك تحب الدراسة، وبتطلع من الحصة مرتاح ومستفيد كثير. شكراً لمايا وبالتوفيق الدائم ❤️

انا آلاء، تخصصي قانون. بعد ما تخرجت من الجامعة سنة 2019، بلشت بداية 2020 مع المعلمة مايا من مستوى (א) بالمعهد، وبعدها كملت معها بدروس خصوصية لمدة سنتين. مايا من المعلمات الرائعات اللي عندهم أسلوب مستحيل الطالب يمل منه. علمتني انه ما في شي صعب، ولا لغة مستحيلة إذا بنستخدمها بالطريقة الصحيحة. الدروس معها كانت مليانة تجارب — تبادل لغات، فيديوهات، أغاني، كتب، وأنشطة بتخلي الطالب دايماً متحمس ومركز. مايا كانت معي بكل مشواري خلال السنتين، واليوم انا وصلت لمستوى لغة عالي. بفضلها قدرت أجتاز امتحانات القبول لنقابة المحامين الإسرائيلية، وانقبلت بأحسن مكاتب المحاماة في شرقي القدس بسبب مستواي العالي بالعبرية. بنصح كل حدا بده يتعلم عبري يسجل مع مايا — ما رح تندموا أبداً. شكراً مايا على كل شي قدمتيلي

انا تعلمت ثلاث مستويات عبري مع مايا عن طريق الزوم، وكان اختيار كتير موفق! مايا الشخص الصح اللي بعلمكم وبشجعكم تحكوا، وبصبر عليكم، وبتحببكم بالمادة. بتعطي كل طالب حقه وبتحرص انه الكل فاهم. تجربتي معها بالزوم كانت أكتر من رائعة — ما حسّيت أبداً إنه الزوم أقل من الوجاهي، بالعكس تماماً، كان مريح أكتر وممتع!